आज फूतपाती भित्र्याइँदै

१६ असोज, काठमाडौँ ।

आज हिन्दु नेपालीहरुको महान् चाड बडा दशैंको सातौं दिन, आज देशभर परम्पराअनुसार नेपालीहरुका घरघर, शक्तिपीठ र दशैंघरहरुमा फूलपाती भित्रयाइँदैछ । दसैँघरमा फूलपातीको शुभसाइतको प्रतीकका रूपमा उखु, अदुवा, केराको बोट, धानको बाला, बेलपत्र, दारिम, जयन्ती, अशोकको फूल फलफूल तथा अरु नयाँ पालुवासमेत विधिपूर्वक भित्र्याइन्छ । गोरखाबाट ल्याइएको फूलपाती धादिङको जीवनपुरबाट पूजारीसहित बाहुन, मगर र नेवार जाति ८ जनाले काठमाण्डौाको जमलसम्म ल्याई पर्सेर हनुमानढोकास्थित दसैँघरमा विधिपूर्वक भित्र्याउने परम्परा छ ।

हर्षबढाइँका साथ फूलपाती भित्रयाउन गुरुज्युको पल्टन, नेपाली सेना, नेपाल प्रहरी, सशस्त्र प्रहरी र निजामती सेवाका उच्चपदस्थ अधिकारीहरू, आशागुर्जा टोली, ब्यान्डबाजा, पञ्चेबाजा, सिङ्गारिएका कल्स्यौडीहरू र साास्कृतिक नाचगान सहितको लावालस्कर हनुमानढोकाबाट जमल जाने चलन छ । फूलपातीको अवसरमा नेपाली सेनाले काठमाडौंको टुंडिखेलमा फूलपाती हर्षबढाईं तथा निशान प्रदान कवाज समारोह आयोजना गरेको छ । हर्षबढाईं समारोह अवलोकनका लागि राष्ट्रपति। एपराष्ट्रपति, प्रधानमन्त्री, संविधानसभा अध्यक्षलगायत विशिष्ठ महानुभावहन सैनिकमञ्च टुँडिखेल जाने कार्यक्रम छ । घटस्थापनाका दिनदेखि दसैँ शुरुहुने भए पनि दसैँको विशेष चहलपहल भने फूलपातीकै दिनदेखि शुरु हुन्छ । आजदेखि सरकारी कार्यालय बन्द हुने भएकाले अध्ययन, व्यवसाय लगायत विभिन्न कारणवश आˆनो मूलघरबाट टाढा रहेका व्यक्तिहरू सपरिवार बसेर दुर्गा भवानीको टीका थाप्न आ-आˆना घर फर्किने क्रम पनि तीव्र भएको छ ।

साभार : अनल़ाइन खबर