ट्रक त्रिशूलीमा खस्दा तीनको मृत्यु, एक बेपत्ता

कात्तिक २३, 

नारायणगढ-मुग्लिङ सडकखण्डअन्तर्गत चितवनको दारेचोक-४ मा आज बिहान एउटा ट्रक त्रिशूली नदीमा खस्दा दुईजनाको घटनास्थमै मृत्यु भएको छ । मृतकमध्ये धनुषा घर भएका ५० वर्षीय उमेश्वर यादवको मात्र सनाखत भएको प्रहरीले जनाएको छ । दुर्घटनामा गम्भीर घाइते भएका उनको उपचारका क्रममा भरतपुर मेठिकल कलेजमा उपचारका क्रममा ज्यनान गएको प्रहरीले जनाएको छ । घटनास्थलमै ज्यान गएका दुईजनाको भने सनाखत हुन सकेको छैन । घटनामा एकजना बेपत्ता भएका छन् । बेपत्ताको खोजीका लागि बिहानैदेखि प्रहरी सक्रिय भएको छ । दुर्घटनामा गम्भीर घाइते भएका चितवन कठारका सन्तोष सुनार र नवलपरासीका जीवन विकको भरतपुरमा उपचार भइरहेको जिल्ला प्रहरी कार्यालय चितवनले जनाएको छ । नारायणगढबाट मुग्लिङतर्फ जाँदै गरेको भैँसी लोड गरिएको ना.२ख ६९७१ नम्बरको ट्रक सडकबाट करिब १५० फिट तल खसेर दुर्घटना भएको प्रहरीले जनाएको छ ।