मंसिर २,
जय जनताको प्रस्ताव राम्रो लागे बस सञ्चालन गर्न पाउने उनले बताए । 'योग्य नभए पुनः आह्वान गर्छौं,' उनले भने, 'त्यसबाट एउटा कम्पनी छनोट गर्छौं ।' छनोट भएको कम्पनीले आफ्नै लगानीमा बस ल्याउनुपर्छ । यसबाट हुने आम्दानी पनि त्यही कम्पनीले पाउने छ । 'राजधानीमा साना साधन भएका र सवारी चाप बढी देखिएकाले यस्तो गर्न लागेका हौं,' उनले भने, 'महानगरपालिकाले बस सञ्चालन गर्ने कम्पनीलाई रुट उपलब्ध गराउने, वाषिर्क करमा छुट दिने लगायत व्यवस्था गर्ने छ ।' यस्तो बसमा करिब ८० जना यात्रु बस्न मिल्ने उनले बताए । हाल एउटामा २०/३० जना यात्रु मात्र चढ्न मिल्ने हुँदा बढेको सवारी चाप नियन्त्रणमा यसले सहयोग पुर्याउने उनले बताए । राति पनि सञ्चालन हुने भएकाले सुरक्षाको व्यवस्थाको जिम्मा नेपाल प्रहरीलाई दिने तयारी गरिएको छ । 'महानगरीय प्रहरी कार्यालयले एउटा बसमा एक जना प्रहरी दिन सहमति जनाएको छ,' उनले भने, 'राति सञ्चालन हुने बसमा उनीहरू बस्ने छन् ।'
राजधानीमा २४ सै घन्टा दुईतले मेट्रोबस चलाइने |
महानगरपालिकाले २४ सै घन्टा चलाउने गरी मेट्रो बस ल्याउने तयारी गरेको छ । एकै पटक धेरै यात्रु ओसार्ने उद्देश्यले सञ्चालन गरिएको मेट्रो बस दुईतले हुने छ । यसका लागि महानगरपालिकाले इच्छुकलाई इच्छापत्र बुझाउन आह्वान समेत गरिसकेको छ । कात्तिक १ गते गरिएको आह्वानपछि जय जनता नामको कम्पनीले इच्छा देखाएको महानगरपालिकाका प्रवक्ता ज्ञानेन्द्र कार्कीले बताए । 'धेरै यात्रु एकै पटक बोक्न सकियोस् भनेर दुईतले बस सञ्चालनका लागि हामीले काम सुरु गरेका छौं,' उनले भने, 'सुरुमा कम्तीमा १० बस ल्याउन लगाउने योजना छ ।'
राति राजधानी आएका, अफिसबाट ढिलो र्फकने व्यक्तिहरुलाई रात्रिकालीन बस सेवाले सहयोग पुग्ने उनले बताए । 'राति आवश्यकता अनुसार २/३ बस मात्र सञ्चालन हुने छन्,' उनले भने, 'विभिन्न स्टेसनमा कुन समयमा बस आइपुग्छ पहिले नै जानकारी गराइने छ ।' यसरी सञ्चालन हुने बस साना रुटमा भने चल्ने छैनन् । चक्रपथका साथै 'क' वर्गमा राखिएका ठूला सडकमा बस सञ्चालन हुने छ ।
साझा सञ्चालन गरिने
काठमाडौं (कास)- सरकारले सहकारी अवधारण अन्तर्गत पुनः साझा बस सञ्चालन गर्ने तयारी गरेको छ । एकै पटक धेरै यात्रु बोक्न मिल्ने गरी सञ्चालन गर्ने श्रम तथा यातायात मन्त्रालयले प्रधानमन्त्री कार्यालयमा प्रस्ताव पेस गरेको छ । 'सवारी चाप कम गर्ने उद्देश्यका साथ प्रधानमन्त्री कार्यालयमा प्रस्ताव पेस गरेका छौं,' मन्त्रालयका उपसचिव अनिल गुरुङले भने । पुनः सञ्चालन हुँदा पूर्ण व्यवस्थित बनाउने उनको भनाइ छ । राजनीतिक हस्तक्षेप र अव्यवस्थापनका कारण झन्डै चार वर्षदेखि साझा यातायात बन्द छ । सवारी साधनको संख्यामा भएको उच्च वृद्धिसँगै बढेको सडक दुर्घटना, ट्राफिक जाम र अव्यवस्थित पार्किङलाई केही भए पनि कम गर्न साझा बस पुनः सञ्चालनको तयारी गरिएको हो । यसले निजी क्षेत्रले सार्वजनिक सवारीमा कायम गरेको सिन्डिकेट रोक्नलाई पनि सहयोग पुग्ने श्रम मन्त्रालयका अधिकारीले बताएका छन् ।
मन्त्रालयका अधिकारीले प्रधानमन्त्री बाबुराम भट्टराईले यातायात व्यवस्थापनालाई प्राथमिकतामा राखेकाले यो कामलाई मन्त्रालयले प्राथमिकताका साथ अगाडि बढाएको बताए । प्रधानमन्त्रीले यसअघि पनि धेरै यात्रु चढ्न मिल्ने सवारी साधन सञ्चालनलाई प्राथमिकतामा राख्न निर्देशन दिएका छन् ।यसो त ५० वर्ष लामो सरकारी नियन्त्रणको इतिहास तोड्दै सात महिना अघि साझामा सहकारी अवधारणका साथ नयाँ सञ्चालन समिति गठन भएको छ । साझा यातायात सहकारीले सुरुमा कम्तीमा पनि २० वटा बस भित्र्याउने तयारी गरेको छ । यसपछि बिस्तारै निजी क्षेत्रको प्रभुत्व रहेको सार्वजनिक यातायातको क्षेत्रमा आपmनो हिस्सा बढाउँदै जाने उसको तयारी छ ।
साभार : इकान्तिपुर डट कम
Comments