माझीहरुले गरे कोशी पूजा

फागुन १७, सिन्धुली 

माझी समुदमयले हिजो आफ्नो परम्परागत कोशी पूजा मनाएका छन् । सिन्धुली लगायत देशभरमा छरिएर रहेका माझीहरुले हिजो विभिन्न खोला किनारहरुमा कोशी पूजा गरेका हुन् । सिन्धुलीको मरिण खोला, कमला नदी, सुनकोशी, तामाकोशी लगायतका नदीहरुमा पनि उनीहरुले पूजा गरेका छन् । नदी किनारामा गरिने कोशी पूजामा बोका, हाँस, कुखुरा, राँगा लगायतको बली समेत दिने चलन रहेको छ । यसै क्रममा सिन्धुलीको मरिण खोला किनारमा विभिन्न गाउँका माझी समुदायका

मानिसहरुले कोशी पूजा गरेको नेपाल माझी उत्थान संघ सिन्धुलीका अध्यक्ष शुक्रबहादुर माझीले बताउनु भयो । पानीले शक्ति दिन्छ भन्ने मान्यता र विश्वास रहेकोले उनीहरुमा पानीको पूजा गर्ने प्रचलन छ । सिन्धुली, रामेछाप, सर्लाही, महोत्तरी, धनुषा, काभ्रे, उदयपुर लगायतका जिल्लाहरुमा माझी समुदायको बाहुल्यता रहेको छ ।