टाइगर झन गर्जिदै

भदौ १,

भारतमा लभगभ ३५ करोड भारुको ओपनिङ गर्दै नयाँ रेर्कड राखेको सिनेमा ‘एक था टाइगर’ नेपाली हलवालाहरुको लागि पनि फाइदाको ब्यापार सावित हुदैगइरहेको छ । जसका कारण राम्रो कमाइ हुने आशले हत्तपत्त हिन्दी फिल्मी नलगाउने हलहरुले पनि ‘एक था टाइगर’ लाई लगाएका छन् ।बुधवारबाट रिलिज भएको सिनेमा ‘एक था टाइगर’ हेर्नेको क्रेजलाई क्यास गर्न क्यू एफ एक्सले आफू अन्तर्गतका ६ वटा हलहरु सबैमा सबै शो मा ‘एक था टाइगर’ लगाएको छ ।

क्यु एफ एक्सको बजार हेर्ने सुरेन्द्र थापाका अनुसार शुक्रवार र शनिवार सिनेमा हेर्न धेरै दर्शक आउने भएकाले सबैमा ‘एक था टाइगर’ लगाइएको हो । सिमित हलमा मात्र लगाउदा ‘एक था टाइगर’ हेर्न आउने दर्शकहरु टिकट नपाएर त्यसै नर्फकिउन भन्ने हेतुले पनि सबै हलमा लगाइएको हो । यसले राम्रो प्रतिफल दिने आशा पनि सुरेन्द्रले गरे । ‘एक था टाइगर’ आज र भोलि मात्र सबै हलमा लाग्नेछ भने आइतवारबाट अरु सिनेमाहरु पनि यथावत लगाइनेछ ।

‘एक था टाइगर’ हत्तपत्ति हिन्दी सिनेमा नलाग्ने अष्टनारायाण हल वालाजु , गंगा हल लगायतका हलहरुमा पनि लगाइएको छ । नेपाली सिनेमाको ब्यापारको लागि राम्रो मानिने यी हलहरुमा पनि ‘एक था टाइगर’ लाग्नुले यो सिनेमा राम्रो रहेको बुझ्न सकिन्छ ।

यसैगरी ‘एक था टाइगर’ लाई नेपालमा डिस्टिब्युट गरेको क्यूव पनि यसको वितरणबाट घाटामा नजाने देखिएको छ । गोपिकृष्ण हलका म्यानेजर प्रदीप दाहालले लगभग नेपाली एक करोडमा किनिएको यस सिनेमाबाट घाटा नहुने निश्चित भएको बताए । यसैगरी दाहालले ‘एक था टाइगर’ बाट कति नाफा हुन्छ भन्ने कुरा चाहि केही समयपछि थाहा हुने पनि बताए । यस सँगसँगै यो सिनेमा सलमान खानका यसअघिका सिनेमा ‘दवङ’ र ‘वडीगार्ड’ को जस्तो रेसियोमा नजाने अनुमान पनि लगाए ।

साभार : मेरो सिनेमा