सिन्धुली, मसिंर १२ ।
नेपाल सरकारले वैकल्पीक राजमार्गको रुपमा महत्व दिएर निर्माण भैरहेको हेटौडा–सिन्धुली–गाईघाट–धरान चतरा सडकमा पर्ने सिन्धुलीको डाडीगँुरासे गाविस जोड्ने पक्की पुल निर्माण थालेको तिन वर्ष भैसक्दा पनि अझै निर्माण कार्य सम्पन्न भईसकेको छैन । ठेकेदारको लापरवाहीको कारण पुल निर्माणमा ढिलाई भएको स्थानिय वासिन्दाहरुले गुनासो गरेको छन् । सो पुल जाइका नेपालको ४ करोड सहयोगमा निर्माण थालीएको हो । सिन्धुली सदरमुकामलाई जिल्लाको पश्चिम क्षेत्रलाई जोड्ने एक मात्र महत्वपुर्ण पुल हो । सो पुल निर्माण पछि वर्षादमा पनि डाडीगुराँसे,हादेवस्थान तथा कपिलाकोट गाँउ विकास समिती सम्म करिव २० किलोमिटर सहजै यातायातका सधानको पहुँच पुग्ने छ ।
डाडीगाविसको मरिण खोलामा २०६७ मंसिर देखी सगरमाथा–रौताहा–घिमिरे जेभी कन्स्ट्रक्शनले काम गर्न थालेको हो । ०६९ साल जेठ मसान्त सम्म नेपाल सरकारलाई वुझाई सक्नु पर्ने पुलको काम चालिस प्रतिशत पनि भएको छैन । सो पुलको ६ वटा पिलर मध्ये तिन वर्षमा ठेकेदारले ४ वटा मात्रै पिलर वनाएको छ भने दुई वटा पिलर वनाउ वाँकीनै । पुलको साइडप्रोटेक्शनको सवै काम वाँकी छ ।
हेटौडा–सिन्धुली–धरान चतरा वैकल्पीक सडकमा पर्ने मरिण खोलाको पुल निर्माणमा ढिलासुस्ती हुँदा त्यस क्षेत्रका हजारौं जता प्रभावित वनेका छन् ।
डाडीगुँरासेका स्थानिय वासिन्दा वैकुण्ठप्रसाद ढकालले जाइका नेपालले सहयोगमा निर्माण गर्न थालेको परिण खोलाको पुल निर्माण गर्न ठेकेदारले ढीलासुस्ती गरिदिँदा हजारौं जनताले दुःख पाएको वताउँ छन् । पुल निर्माण स्थलमा मुख्य ठेकेदारहरु कहिन्यै आउदैनन् । काम गर्न जनशक्ति पनि त्यती प्रयोग छैन् ढकालले भने । पुल चाडो निर्माणको लागी दवाव दिने स्थान नदेखेकोले हामीहरु चुप लागेर वसेका छौ ढकालले भन्नुभयो ।
पुल निर्माण कार्यमा ठेकेदारले ढिलासुस्ती मरिण क्षेत्रका हजारौं जनतालाई प्रत्यक्ष प्रभाव पारेको एमाओवादीका स्थानिय नेता गणेश वुढाथोलीले वताउनुभयो । पुल निर्माण गर्न ढिला सुस्ती भयो भन्ने ठाउँ पनि छैन उहाँले भन्नुभयो । काम लगाउने इन्जीनियर कता छन् । काम कस्को गाईड लाइनमा चलेको हुन्छ पत्तै हुँदैन उहाँले भन्नुभयो । काम भएका जिल्लाहरुमा प्राविधिक पक्षको कार्यालय भए अनुगमन गर्न सजिलो हुने माओवादी नेता वुढाथोकीको भनाइ छ । पुल निर्माण स्थलमा मरिण खोलामा जाइका नेपालका इन्जीनियरहरु तथा निर्माण व्यवसायी दुवै भेट्न सकिदैन । सो निर्माणको काम ठेकेदारले वन्द गरेका हुन् ।