सिन्धुलीमा भएको बस दुर्घटनामा ४२ को ज्यान गयो (तस्विरसहित)

असोज २६ , 

सिन्धुलीबाट काठमाण्डौं जादैँ गरेको यात्रुवाहक बस विहिवार सिन्धुलीको पुरानो झाँगाझोलीको वडा नम्वर ६ स्थित रिठ्ठे भिरवाट खस्दा ४२ जनाको मृत्यु भएको प्रहरीले पुष्ठी गरेको छ । घटनास्थलमा ४० जना र थप दुई जनाको उपचारको क्रममा मृत्यु भएको प्रहरीले जनाएको हो । मृत्यु हुनेमा वस चालक प्रेम आले मगर  पुरानो झागाझोलीका विर वहादुर तामाङ भिमेश्वर ७ का युवराज श्रेष्ठ कमलामाई नगरपालिका ५ का ईश्वर पोख्रेल सिजंव कार्की त्यस्तै ५७ बर्षीय समरवहादुर जोशी र ३५ बर्षीय नमिता जोशीको पनि सनाखत भएको छ । यस्तै नाम खुल्न नसकेका एकै परिवारका आमाछोराको पनि शव भेटिएको छ । 

धुलिखेल अस्पतालमा सिन्धुली डाडी गुराँसेका ५ बर्षे बालिका रिाजता गौतम उनका बाबु बदि्र सिन्धुलीकै रस्मिता श्रेष्ठ सिन्धुलीको तीनकन्याका २६ बर्षीय नारायण मगर सिद्धेश्वरी सिन्धुलीका २४ बर्षीय बाबुलाल योाजन पातलेखेत ८ काभ्रेका ३० बर्षीय जेठो मिजार सिन्धुलीकै पुजा गाविसकी १५ बर्षीय करुणा तामाङ रामेछापको खिम्तीकी ३२ बर्षीय कल्पना दर्जी सिन्धुलीको रानीखोलाका १५ बर्षीय कुबेर मगर सिन्धुली रतनचुरा ९ की जानुका श्रेष्ठ र सिन्धुलीको रानीचुरी २ की १० बर्षीय पुजा श्रेष्ठको उपचार भइरहेको छ । यात्रुवाहक बसमा ६० जना यात्रु रहेको सो वस सडकभन्दा तिनसय मिटर तल खसेको वताईएको छ ।  विहान ५ वजेर ३० मिनेटमा सिन्धुलीमाढीवाट छुटेको वस विहान साढे १० वजे कोशिमा खसेको स्थानिय वासीले वताएका छन् । वसको छतवाट हाम फालेर ११ जनाले ज्यान जोगाएका छन् ।  बसमा क्षमताभन्दा बढी यात्रु रहेको र अप्ठेरो बाटो भएकोले दुर्घटना भएको अनुमान गरिएको छ । घटनासम्बन्धी विस्तृत विवरण आउन अझै बाँकी छ ।

सुनकोशी नदिको तिरमा वजारिएको वस तस्विर:गम्विर मान थापा

शव जम्मा गदै प्रहरी तथा स्थानियवासी तस्विर:गम्विर मान थापा 

जम्मा पारिएको शव तस्विर:गम्विर मान थापा

जम्मा पारिएको शव 

साभार : सिन्धुली दर्पण