उत्पादनमा वृद्धि भएपनि सिन्धुलीमा जुनार महंगियो

मंसिर ८, ध्रुवचन्द्र खड्का, सिन्धुली 

उत्पादनमा वृद्धि भएपनि सिन्धुलीमा यस वर्ष चर्काे मूल्य तिरेर जुनार किन्न उपभोक्ताहरु वाध्य भएका छन् । गत वर्षको तुलनामा यस वर्ष सिन्धुलीमा १५ प्रतिशतले जुनार उत्पादनमा वृद्धि भएको सिन्धुली जुनार विकास संघले जनाएको छ । तराईका व्यापारिले सिधै किसानको वँगैचामा गएरु जुनार जिल्ला वाहिर लाने भएकोले स्थानिय उपभोक्ताहरु चर्काे मूल्य तिरेर जुनार खरिद गर्न वाध्य भएका हुन् । उता व्यापारिले पनि किसानसंग किनेको मूल्मा पनि दोव्वर जस्तो वढाएर विक्रिवितरण गर्ने गरेको उपभोक्ताहरु गुनासो गर्छन् । गत वर्ष जुनारको मूल्य प्रति केजी २०÷२५ रुपियाँ रहेकोमा यो वर्ष मध्य सिजनमा पनि जुनारको भाउ घटेको छैन । 

यस वर्ष सिन्धुलीमा जुनारको मूल्य प्रतिकेजी ३० देखि ३५ रुपैँया रहेको छ । सिजनको फल भएकोले मूल्य मँहङो भए पनि जुनारको निर्यात हुन छाडेको छैन एक स्थानिय व्यापारिले भने । आफ्नो गाँउभरि उत्पादन भएको जुनार तराईबाट आएका व्यापारीले बगैंचाबाटै खरिद गरेर लाने गरेका तीनकन्या गाविसका एक किसानले वताए । सिन्धुली जिल्लाका करिव ४२ गाविसमा जुनार खेतिको संभावना रहेको भएपनि अहिेले रतनचुरा, तीनकन्या, जलकन्या, बितिजोर, बाशेश्वर, मझुवा र दुम्जा गाविसजुनार खेतिका लागि पकेट क्षेत्र रहेको जुनार विकास संघ सिन्धुलीले जनाएको छ । महंगो मूल्य भएपनि के गर्नु, मौसमको फल हो वाहिर वसेका छोराछोरिहरुलाई पठाइदिनुपरिहाल्यो, कनपा–४ मधुटारका कमल पौडेलले भने । जुनारको नामले चिनीने सिन्धुलीमा यसरि चर्काे मूल्य तिरेर जुनार किन्नुपर्दा त नराम्रो लाग्छ नै उनले गुनासो गरे ।