भाद्र २२, काठमाडौं
हास्य शृखंला 'मेरी बास्सै' मा जंगली मान्छे 'इकु' बनेपछि चर्चा बटुलेका सुलेमान शंकरले लगत्तै 'इकुः द जंगल म्यान' बनाएर पैसा पनि बटुले । अहिले उनैले बनाएको उक्त फिल्मको सिक्वेल 'इकुः ब्याक अगेन' रिलिजको तरखरमा छ । सागर लामिछाने निर्देशित फिल्म प्रदर्शनका लागि तयार भइसकेको सुलेमानले बताए ।
हास्य शृखंला 'मेरी बास्सै' मा जंगली मान्छे 'इकु' बनेपछि चर्चा बटुलेका सुलेमान शंकरले लगत्तै 'इकुः द जंगल म्यान' बनाएर पैसा पनि बटुले । अहिले उनैले बनाएको उक्त फिल्मको सिक्वेल 'इकुः ब्याक अगेन' रिलिजको तरखरमा छ । सागर लामिछाने निर्देशित फिल्म प्रदर्शनका लागि तयार भइसकेको सुलेमानले बताए ।
'सम्भवतः डिसेम्बरमा नेपालमै रिलिज गर्नेछौं,' सुलेमानले भने, 'त्यसभन्दा अघि नै दसैंतिर विदेशका आधा दर्जन देशमा च्यारिटी गरिनेछ ।' उनले अघिल्लो फिल्म हेरेका दर्शकले त्यस्तै अर्को फिल्मको पनि चाहना राखेपछि सिक्वेल बनाउने आँट आएको बताए । 'तर सिक्वेलमा अघिल्लो फिल्मको कथालाई छोएका मात्रै छौं,' उनले भने, 'दुई पात्र दोहोरिएका छन् ।'सुलेमानले यसमा आफ्नै पत्नी जया नेपालीलाई समेत उतारेका छन् । 'म विदेशी अनुसन्धाताको रूपमा छु, जसले विदेशमा लैजान लागिएको इकुलाई उद्धार गरी उसकै घर फर्काउन सघाउँछे,' पहिलोपटक फिल्म खेलेकी जयाले भनिन् ।उक्त फिल्ममा रोशन श्रेष्ठको द्वन्द्व तथा पुरुषोत्तम प्रधानको छायांकन छ । विपिन आचार्यको संगीतमा इलेभेन थर्टी वुमन ब्यान्डको शीर्ष गीत पनि रहेको छ ।
स्रोत: इकान्तिपुर
स्रोत: इकान्तिपुर
Comments