असोज ६ ,
विजयदशमी तथा शुभदिपावलीको पावन अवसरमा गजल सरोवर सिन्धुली तथा शिद्घज्योति शिक्षा क्याम्पसद्वारा आयोजित नगर क्याम्पस स्तरीय खुल्ला गजल प्रतियोगिता आज सिन्धुलीमाढीको श्री जनज्योति उच्च मा. वि. फोस्रेटारमा सम्मपन्न भएको छ । उक्त आयोजित कार्यक्रममा सभापतिका रुपमा शिद्घज्योति क्याम्पसका विद्यार्थी संझना भ्लोन हुनुहुन्थ्यो भने प्रमुख अथितिका रुपमा उक्त श्री जनज्योति उच्च मा.वि फोस्रेटारका प्राचार्य भीम विक्रम थापा हुनुहुन्थ्यो, कार्यक्रम संचालकमा शिद्घज्योति शिक्षा क्याम्पसका गजल सरोवरका अध्यक्ष्य रामकुमार पोखरेल र त्यसै गजल सरोवर सिन्धुलीका अधक्ष्य बरुण लामिछानेको पनि उपस्थित थियो ।
यस गजल प्रतियोगितामा विभिन्न क्याम्पसका १३ जना विद्यार्थीहरुले भाग लिएका थिए । उक्त कार्यक्रममा प्रतियोगीहरुले आ–आफ्नो गजल भावपुर्ण वाचन गरेका थिए । यस कार्यक्रममा सान्तोना तर्फ बहुमुखि क्याम्पसमा अध्यनरत दिपेन्द्र न्यौपाने, तृतियमा बहुमुखि क्याम्पसमै अध्यनरत महेश्वर दाहल, द्वितियमा शिद्घज्योति शिक्षा क्याम्पसमा अध्यनरत विनिता न्यौपाने र प्रथममा शिद्घज्योति शिक्षा क्याम्पसमै अध्यनरत सीता श्रेष्ठ भएका थिए । यस गजल कार्यक्रमको अन्त्यमा शुभकामना आदन प्रदानको क्रममा गजल सरोवर सिन्धुलीका अध्यक्ष्य बरुण लामिछाने र शिद्घज्योति शिक्षा क्याम्पसका गजल सरोवरका अध्यक्ष्य रामकुमार पोखरेलले पनि थप गजल वाचन गरेका थिए ।
Comments