नेपालीलाई बिदेशमा वैंकखाता खोल्न कडाई

कार्तिक  १ ,

नेपाल राष्ट्र वैंकले नेपाली नागरिकलाई बिदेशी बैंकमा खाता खोल्न कडाई गरेको छ । बिदेशमै बसोवास गरिरहेका बाहेकका नेपालीले बिदेशमा वैंक खाता खोल्न नपाउने गरि राष्ट्रवैंकले कडाई गर्न लागेको हो । बिदेश बसेर नेपाल फर्किएकाहरुले पनि ३५ दिनभित्र त्यस्ता खाता वन्द गरिसक्नुपर्ने ब्यबस्था राष्ट्रवैंकले गरेको आजको अन्नपूर्ण पोष्ट दैनिकले छापेको छ । बिदेशी मुद्राको अपचलन र बिदेशमा पैसा राख्ने प्रबृत्तिलाई रोक्न यस्तो ब्यबस्था गरिएको राष्ट्रवैंकले जनाएको छ । वैंकले बिदेशमा राखिएको नेपालीहरुको पैसा जुनसुकै बेलापनि नेपाल ल्याउन सकिने ब्यबस्था गरेको छ । हालसम्म पनि सिमावर्ती क्षेत्रमा भारतीय वैंकमा खाता खोलेर निक्षेप राख्ने प्रचलन छ ।

बिदेशमा सेमिनार, अबलोकन भ्रमण वा छोटा भ्रमणमा गएका नेपालीहरुले भने बिदेशमा खाता खोल्न पाउनेछन् । तर त्यस्ता खाता नेपाल फर्किएको ६० दिनभित्र बन्द गरिसक्नुपर्ने नियम राष्ट्रवैंकले बनाएको छ । रेमिट्यान्स कम्पनी र बिदेशमा आफ्नो उत्पादन बेच्ने कम्पनीले बिदेशमा खाता खोल्न पाउने ब्यबस्था गरेपनि कारोवारबारे नियमितरुपमा राष्ट्रवैंकलाई जानकारी गराउनुपर्ने ब्यबस्था गरेको छ ।

साभार : अनलाइन खबर