ज्याक्सनको मृत्युमा डाक्टर दोषी

कार्तिक २२, 

पप सम्राट माइकल ज्याक्सनको मृत्युमा उनका नीजि चिकित्सक डाक्टर कोनराड मरे दोषी ठहर भएका छन् । अमेरिकाको लस एन्जल्सको एक अदालतमा भएको अन्तिम सुनुवाइमा मरेले अन्जानमै ज्याक्सनको हत्या गरेको ठहर भएको हो हो । औषधिको अत्यधिक सेवनका कारण ज्याक्सनको सन् २००९ को जून २५ मा ज्यान गएको थियो । डाक्र मरेले ज्याक्सनलाई धेरै प्रोपोफोल औषधि खुबाएको दाबी गरिएको छ । तर मरेका वकिलले भने ज्याक्सनले डाक्टर नभएको बेला आफै औषधि खाएको जिकिर गरेका छन् ।

१२ जना न्यायिधसको इजलामा भएको अन्तिम सुनुवाइपछि फैसला सुनाइँदा ज्याक्सन चुपचाप बसिरहेका देखिन्थे । अदालत बाहिर ठूलो संख्यामा ज्याक्सनका र्समर्थकहरुले नाराबाजी गरिरहेका थिए । डाक्टरलाई अदालतले दोषी ठहर गरेपनि उनीहरुले खुसी मनाए ।

अदालतले दोषी ठहराएपछि मरेलाई हतकडी लगाएर हिरासतमा लगिएको छ । ज्याक्सनको मृत्युमा दोषी पाइएपछि अब ५८ वर्षीय डाक्टर कोनराड मरेलाई ४ वर्षो कैद सजाय तथा चिकित्सक लाइसेन्स खारेज हुनसक्ने बीबीसीले जनाएको छ । उनलाई आउँदो नोभेम्बर २९ मा सजायँ सुनाइनेछ ।डाक्टर मरेमाथिको मुद्धाको सुनुवाई पछिल्लो ६ हप्तादेखि चलिरहेको थियो । जसमा ४९ जनाको बयान लिइनुका साथै ३ सय भन्दा बढि सबुत पेश गरिएको थियो ।

साभार : अनलाइन खबर