४ पुस, काठमाडौं ।
मंगलवारदेखि हप्तामा ६९ घण्टा लोडसेडिङ्ग हुने भएको छ । हाल सातामा ४० घण्टा लोडसेडिङ्ग हुँदै आएकोमा मंगलवारदेखि ६९ घण्टा हुने नेपाल विद्युत प्राधिकरणले जनाएको छ । नयाँ तालिका अनुसार हप्तामा दैनिक २ पटकका दरले ४ दिन ११ घण्टा, एक दिन १० घण्टा र एक दिन ९ घण्टा विद्युत आउने छैन भने एक दिन भने एकै पटक ६ घण्टा लोडसेडिङ्ग हुने छ । नदीहरुमा पानीको बहाव पनि घशेकाले विद्युत् उत्पादन कम भएको र माग भने बढेकाले लोडसेडिङ्गको समय बढाउनु परेको प्राधिकरण भार प्रशण केन्द्रका प्रमुख चिरन्जिवी शर्माले जानकारी दिनुभयो ।
प्राधिकरणले ४० देखि ५० प्रतिशत विद्युत चुहावट हुने ठाउँमा तालिका भन्दा २ घण्टा बढी र ५० प्रतिशत भन्दा बढी चुहावट हुने फिडरमा दैनिक ३ घण्टा भन्दा धेरै लोडसेडिङ्ग गर्ने जानकारी पनि दिएको छ ।साभार : सिन्धुली दर्पण
Comments