पुष १०, सिन्धुली
नेपाली कांग्रेसका केन्द्रिय सभापति शुसिल कोईरालाले सबै दलहरुले मेलमिलाप र हातेमालो गरी सहमतिमा अघि बढ्नु अहिलेको आवश्यकता रहेको वताएका छन् । नेपाल शिक्षक संघको मध्यमान्चल क्षेत्रिय भेलाको शनिवार सिन्धुलीमा उद्घाटन गर्दै कोइरालाले यस्तो वताएका हुन् । भेलालाई सम्वोधन गर्दै सभापति कोइरालाले इमान्दारिता वोलिमा मात्र हैन व्यवहारमा पनि हुनुपर्ने वताएका छन् । आफ्नो पार्टी निरास नहुने बताउँदै जसले गल्ति गर्छ उहि निरास हुने जिकिर समेत गरे । नेकपा माओबादीको आफ्नै नेतृत्वको सरकार हुँदा पनि उनिहरु किन हतियार बुझाउँदैनन् उनले प्रश्न गरे ।
माओवादीले अझै पनि विश्वासिलो काम नगरेको आरोप लगाउँदै कोइरालाले अझै पनि जनतालाई धम्क्याउने काम माओवादीले वन्द नगरेको दावी गरे । शान्ति प्रक्रिया छिटै टुंग्याएर जनतालाई नयाँ संबिधान दिनु सरकारको प्रमुख दायीत्व भएतापनि त्यसका निम्ति अहिलेको सरकार कटिबद्ध नभएको उनको आरोप थियो । हिमाल पहाड र तराईका जनतालाई एकै ठाँउमा कसरी समायोजन गर्न सकिन्छ, त्यस तर्फ लाग्नु जरुरी भएको कोइरालाको धारणा छ । नेपाल शिक्षक संघका क्षेत्रिय संयोजक राजेश पाण्डेको अध्यक्षता तथा नेपाल शिक्षक संघका केन्द्रिय अध्यक्ष मोहन ज्ञवालीको बिशिष्ट आतिथ्यतामा सम्पन्न कार्यक्रममा आनन्द ढुंगाना, रामचन्द्र तिवारी, केशव प्रसाद भट्टराई लगायत सिन्धुली जिल्ला सभापति मोहन बराल, कांग्रेस नेता उज्वल बराल, प्रमुख जिल्ला अधिकारी बेणी माधब ज्ञवाली लगायतले भेलालाई सम्वोधन गरेका थिए ।
Comments