पुस ४, काठमाडौं
अखिल नेपाल फुटबल संघ (एन्फा) मा आबद्ध जिल्ला संघको संख्या ४२ पुगेको छ। आइतबार सम्पन्न एन्फाको १२औं साधारण सभाले सिन्धुली र संखुवासभालाई जिल्ला संघको मान्यता प्रदान दिएको छ। कोषाध्यक्ष विराटजंग शाहीले बन्द सत्रमा पेश गरेको आर्थिक वर्ष २०६८/०७९ को १८ करोड १० लाख १९ हजार रुपैयाँको अनुमानित बजेट सभाले पास गरेको छ। फागुनमा काठमाडौंमा एएफसी च्यालेन्ज कप आयोजनाका कारण यसपटक अघिल्ला वर्षभन्दा दोब्बर बजेट आएको हो। चालु आर्थिक वर्षमा झन्डै ४ करोड एन्फाले बचत गरेको छ। १३ करोडभन्दा बढी आम्दानी गरेको एन्फाले ९ करोडभन्दा बढी खर्च गरेको छ। अध्यक्ष गणेश थापाले एन्फाको वार्षिक प्रतिवेदन पेश गरेका थिए। एन्फा केन्द्रीय कार्यसमितिले २०६९ का लागि प्रस्ताव गरेको ३१ वटा कार्यक्रम साधारण सभामा सर्वसम्मत पास भएको छ।
अखिल नेपाल फुटबल संघ (एन्फा) मा आबद्ध जिल्ला संघको संख्या ४२ पुगेको छ। आइतबार सम्पन्न एन्फाको १२औं साधारण सभाले सिन्धुली र संखुवासभालाई जिल्ला संघको मान्यता प्रदान दिएको छ। कोषाध्यक्ष विराटजंग शाहीले बन्द सत्रमा पेश गरेको आर्थिक वर्ष २०६८/०७९ को १८ करोड १० लाख १९ हजार रुपैयाँको अनुमानित बजेट सभाले पास गरेको छ। फागुनमा काठमाडौंमा एएफसी च्यालेन्ज कप आयोजनाका कारण यसपटक अघिल्ला वर्षभन्दा दोब्बर बजेट आएको हो। चालु आर्थिक वर्षमा झन्डै ४ करोड एन्फाले बचत गरेको छ। १३ करोडभन्दा बढी आम्दानी गरेको एन्फाले ९ करोडभन्दा बढी खर्च गरेको छ। अध्यक्ष गणेश थापाले एन्फाको वार्षिक प्रतिवेदन पेश गरेका थिए। एन्फा केन्द्रीय कार्यसमितिले २०६९ का लागि प्रस्ताव गरेको ३१ वटा कार्यक्रम साधारण सभामा सर्वसम्मत पास भएको छ।
त्यसमा ए डिभिजन क्लबका तीनवटा नकआउट फुटबल प्रतियोगिता समावेश छ। ए डिभिजन लिग वैशाख १० देखि असार २५ सम्म तथा राष्ट्रिय लिग मंसिर पुसमा गर्ने निर्णय गरेको छ। एन्फाले विगतका लगभग सबै प्रतियोगितालाई निरन्तरता दिनुका साथै रेफ्री कोर्स, सी लाइसेन्स कोचिङ कोर्स, विभिन्न उमेर समूहका प्रतियोगिता, महिला लिग, ए, बी, सी डिजिभनका जिल्लादेखि राष्ट्रिय लिग आयोजना गर्ने गरिनेछ। एन्फा अध्यक्ष थापाले १३ अञ्चलमा एन्फाको संघ विस्तार भएकाले अब छिट्टै बाँकी एक अञ्चल कर्णालीमा पनि विस्तार गरिने घोषणा गरे। साधारण सभामा एन्फा पदाधिकारी, ४१ जिल्ला र १८ ए डिभिजन क्लबका ३-३ प्रतिनिधिको सहभागिता थियो। त्यस्तै बी डिभिजन, सी डिभिजन, खेलाडी, प्रशिक्षक, महिला र रेफ्री संघका सीमित प्रतिनिधि गरी सभामा २ सय भन्दा बढीले भाग लिएका थिए। ताप्लेजुङलाई पनि सभामा पर्यवेक्षकका रूपमा समावेश गराइएको थियो।
त्यसअघि युवा तथा खेलकुदमन्त्री कमला रोकाले साधारण सभाको उद्घाटन गरेकी थिइन्। राष्ट्रिय खेलकुद परिषद् (राखेप) का सदस्यसचिव युवराज लामाले यो वर्ष फुटबलमय वर्ष भएको दोहोर्याए। 'साफ च्याम्पियनसिपदौरान एन्फाले खेलाडीको मनोबल बढाउन कुनै कसर बाँकी राखेन। त्यसले पक्कै पनि खेलाडीको मनोबल बढेको हुनुपर्छ,' लामाले भने, 'नेपालले लक्ष्यअनुसारको फाइनल पुग्न नसकेपछि सहभागीसामु उत्कृष्ट प्रदर्शन गरेको छ।' उनले खेलाडी, प्रशिक्षक र संघ कुनै राजनीतिक दलको पेवा नभई देशको सम्पत्ति भएको समेत प्रस्ट पारे।
सागरलाई ५० हजार
खेलकुदमन्त्री रोकाले साफ च्याम्पियनसिपमा नेपाली टोलीका कप्तान सागर थापाले बंगलादेशविरुद्ध फ्रिकिकमार्फत गरेको अविश्वसनीय गोलका लागि मन्त्रालयका तर्फबाट ५० हजार रुपैयाँ दिने घोषणा गरिन्। रोकाले साफ च्याम्पियनसिपमा उत्कृष्ट प्रदर्शन गरेको टोलीलाई ५० हजार दिने बताए पनि पछि एन्फा अध्यक्ष गणेश थापाले त्यसलाई सच्याउँदै मन्त्रीले कप्तान सागरलाई दिने घोषणा गरेको बताए। अध्यक्ष थापाले एन्फा सल्लाहकार अनिल शाहले १ लाख र अन्य एक व्यक्तिले १ लाख ५० हजार रुपैयाँ दिने घोषणा गरेको जानकारी दिए।
साभार : नागरिक न्युज
Comments