पुष २६, सिन्धुली
कमलामाई नगरपालीका सिन्धुलीको सत्र औं नगर परिषदले आर्थिक वर्ष ०६९/०७० को लागी ७ करोड ५४ लाख ४७ हजार अनुमानित वजेट प्रस्तु गरेको छ । नगर परिषदमा प्रस्ताव गरिएको वजेट मध्ये १ करोड ७० लाख ६४ हजार ८ सय चालु तर्फ र ५ करोड ८३ लाख ८२ हजार २ सय पुँजिगत विकास तर्फ खर्च गर्ने गरि आयव्यय प्रस्ताव परिषद समक्ष कमलामाई नगरपालीका कार्यकारी अधिकृत भुपाल वरालले पेश गरेका छन् । नगरपालीकाले प्रस्ताव गरेको विकास वजेट वाट स्थानीय स्वायत्त शासन र विकेन्द्रिकरणको मर्म बमोजिम टोलबस्तीस्तर तथा वडास्तरबाट प्राप्त हुने योजनालाई प्राथमिकताका आधारमा कार्यान्वयन गर्दै जाने र योजना छनौट प्रकृयालाई आवश्यकता र मागमा आधारित बनाइने जनाएको छ । त्यसै गरी विकास निर्माण कार्यमा सरोकारवाला उपभोक्ताको अपनत्व बढाउन जनसहभागिता बृद्धि गर्न र जनताको लागत सहभागिता बढाउन पनि खानेपानी कृषि सडक िसंचाई जस्ता योजनाहरु उपभोक्ता समिति मार्फत संचालन गर्न प्राथमिकता कमलामाई नगरपालीकाका अधिकृत वरालले वताए । नगरपालिका क्षेत्रभित्र विकास निर्माण कार्यक्रमहरु साचालन गर्दा जनसहभागितालाई प्राथमिकता राख्ने र विकासमा जनता बढी लागत सहभागितालाई प्राथमिकता भन्ने सूत्रका साथ बढी जनसहभागिता जुट्ने प्रकृतिका योजनाहरुलाई उच्च प्राथमिकता दिईने र योजना संचालनको क्रममा पेश्की शुन्य अभियानलाई कार्यान्वयन गर्न पहल गर्न जोड दिइन नगर परिषदमा नगर प्रमुखको समेत जिम्वेवारी लिएका अधिकृत वरालले भने । समावेशी विकासको सिद्धान्तलाई अवलम्वन गर्दै नगर क्षेत्रका महिला वालवालिका दलित आदिवासी जनजाति अपाङ्गहरु प्रत्यक्ष लाभान्वित हुने विशेष कार्यक्रम संचालन गर्न पहल गर्नुका साथै गै.स।संस्थाहरुलाई समेत नगर क्षेत्रमा वर्ग लक्षित कार्यक्रमहरु संचालन गर्न प्रोत्साहन गर्ने निती नगरपालीकाले लिने वताए ।
साभार : सिन्धुली दर्पण
साभार : सिन्धुली दर्पण
Comments