फागुन ३,
जापान सरकारले बिपी राजमार्ग अन्तरर्गत बनेपा- सिन्धुली- बर्दिवासको तेस्रो खण्डको निर्माणका लागी करिब ५८ करोड अनुदान सहयोग दिने भएको छ । जापानले तेस्रो खण्डको पहिलो चरणको निर्माणका सो रकम नेपाल सरकारलाई दिन लागेको हो ।
वुधवार अर्थमन्त्रालयमा भएको सम्झौतामा नेपाल सरकारका तर्फबाट अर्थसचिव कृष्णहरि बाँस्कोटा तथा नेपालका लागि जापानी राजदूत कुनिओ ताकाहासी र जाइका नेपालका प्रमुख प्रतिनिधि मित्सु कावासाकीले संयुक्तरुपमा हस्ताक्षर गर्नुभएको छ । उक्त राजमार्गको तेस्रो खण्डको खुर्कोटदेखि नेपालथोकसम्मको ३७ किमिमध्ये रातमाटासम्मको ३ किलोमिटर सडक निर्माणका लागी जापानले सो सहयोग उपलब्ध गराइएको हो ।
धुलिखेलदेखि बर्दिवाससम्मको १६० किलोमिटर मध्येको सडकमध्ये अहिलेसम्म एक सय ३७ किलोमिटर सडक निर्माण भइसकेको छ । बाँकी रातमाटादेखि बर्दिवाससम्म पर्ने २० किलोमिटर सडक निर्माण हुन अझै बाँकी छ ।
source : www.onlinekhabar.com
Comments