कस्तो विण्डोज होला ८ ?

श्रावन ४,

माइक्रोसफ्टले कम्प्यूटर अपरेटिङ सिस्टम विण्डोज-8 लार्इ २६ अक्टोबरमा बाजारमा प्रस्तुत गर्दैछ । विश्व पर्सनल कम्प्यूटरबाट स्मार्टफोन र ट्याबलेटतर्फ आर्कषित हुँदै गएपछि उसले नयाँ अपरेटिंग सिस्टम तयार पारेको हो । माइक्रोसफ्टका प्रबन्धक ब्रान्डोन ली ब्लंकले बुधबार एक ब्लगमा माइक्रोसफ्टको विण्डोज विभागका प्रमुख स्टीवन सिनोफस्काईले विण्डोज-8 प्रस्तुत गर्ने तारीको घोषणा एक बैठकमा भएको जानकारी गराएका हुन् । २६ अक्टोबरमा विण्डोज-8 पेश गरिने छ । विण्डोज ८ को विशेषता भएको टचस्क्रिन हो । नयाँ माइक्रोसफ्ट सिस्टमको उपयोग टच र स्मार्टफोन वा ट्यावलेट पीसीसँगै डेस्कटप र ल्यापटपमा पनि गर्न सकिन्छ ।

१ सय ९ भाषाका साथ विण्डोज-8 विश्वभरका २ सय ३१ बाजारमा उपलब्ध हुनेछ । माइक्रोसफ्टले विण्डोज ८ लाई एक दशकपछिको अति महत्वपूर्ण अपडेट भनेको छ । यसमा आउने मेट्रो इन्टरफेसले प्रविधि प्रेमीहरुवीच प्रशंसा कमाइरहेको छ । मेट्रो बाहेक विण्डोज ८ मा पुरानो डेस्कटप इन्टरफेसको सुविधा पनि हुनेछ । विण्डो ८ ट्याबलेट र पिसी दुबै खाले कम्प्युटरलाई लक्षित गरि बनाईएको अपरेटिङ सिस्टम हो । बजारमा पहिलो ट्यावलेटका लागि उपयोगि एआरएममा आधारित भर्सन आउनेछ भने पछि इन्टेल र एएमडिका प्रोसेसर चल्ने पावरफुल भर्सन आउने छ । माइक्रोसफ्टको रिपोर्ट अनुसार कम्पनीले विण्डोज-7 की ६३ करोड इकाई बेचिसकेको छ । विण्डोज-7 अक्टोबर २००९ मा पेश गरिएको थियो ।



source:onlinekhabar