एप्पपले बुधबार सार्वजनिक गरेको आइफोन-५ तपाइले किन्नु भयो भने यस सेट नेपालमा तत्काल चल्दैन। किन कि आइफोन-४ सेटमा भन्दा भिन्न खालको सिम यस सेटमा लाग्ने भएकोले नेपाली बजारमा आइफोन फाइभ तत्काल नचाल्ने भएको हो। आइफोन-४ मा माइक्रो सिम लाग्थ्यो भने फाइबमा मिनी सिम लाग्दछ । अहिले नेपाल टेलिकमले १ सय रुपैयाँ तिरेपछि पोस्टपेड मोबाइलका लागि माइक्रो सिम उपलब्ध गराउँदै आएको छ । सुरुमा सिम लिँदा पनि पोस्टपेडको मात्र माइक्रो सिम पाउँछ । अन्य कम्पनीले भने माइक्रो सिमसमेत उपलब्ध गराएका छैनन् ।
उनीहरूका सिम ग्राहकहरुले सामान्य सिम काटेर माइक्रोसिमको आकार बनाएर चलाउँदै आएका छन् । तर नानो सिमको आकारमा ल्याउन भने अहिलेको सिम काटेर मात्र हुँदैन । किनकि नानो सिम माइक्रो सिमभन्दा पनि पातलो हुन्छ । नेपाल टेलिकमको मोबाइल सेवा निर्देशनालयका निर्देशक सुरेन्द्रप्रसाद थिकेले भने । उनले ग्राहकको माग र एप्पलको रणनीतिअनुसार नानो सिम भित्र्याउनेबारे थप काम हुने बताए । 'हामी ग्राहकलाई सक्दो सेवा दिन्छौं,' उनले भने, 'यसबारे थप छलफल गरेर हामी निर्णय लिन्छौं ।' अर्को कम्पनीका अधिकारीले भने बजारमा माग भए नानो सिम तत्काल ल्याउन सकिने बताए । उनीहरूका अनुसार माग बढी भए नानो सिम ल्याउन कुनै समस्या छैन ।
तर अति कम माग हुँदा कम्पनीले नानो सिम ल्याउने सम्भावना कमै छ । एप्पलले कम्पनीले मोबाइललाई पातलो र हलुका बनाउने योजनाअनुसार आकार कम गरेपछि नेपाली ग्राहक भने मारमा परेका हुन् । एप्पलले नेपालमा आधिकारिक रूपमा सेट बेच्ने गरेको छैन । तर एप्पलले फोरएसबाट फ्याक्ट्री अनलक नै बिक्री गर्न थाले पनि भने धेरै सेट नेपालमा भित्रिएका हुन् ।
Comments