चैत्र १८, सिन्धुली
शिक्षा राज्यमन्त्री लिला भण्डारीले आफ्ना छोराछोरीलाई निजी स्कूलमा पढाएर आफु नै इमान्दार नभएको बताउनुभएको छ । परम्परागत शिक्षा प्रणालीले देशलाई धान्न नसक्ने बताउदै भण्डारीले अवको शिक्षा वेरोजगारी हैन रोजगारीमूलक हुनुपर्ने बताउनुभयो । सिन्धुली ढुग्रेबासमा रहेको कमला उच्च मावि तथा साइन्स क्याम्पसको हीरक महोत्सव समापन समारोह तथा ६१ औँ वार्षिक समारोह र अभिभावक दिवसको अवसरमा सिन्धुली आउनुभएका उहाँले गुणस्तरीय शिक्षा बनाउनको लागि शिक्षक, विद्यार्थी र अभिभावक सवै लाग्नुपर्ने र राज्यले पनि गुणस्तरीय शिक्षा ल्याउनको लागि शिक्षक ऐन २०२८ संशोधन गरिरहेको धारणा राख्नुभयो । पछिल्लो समयमा सामुदायीक विद्यालका स्थायि शिक्षकहरुले खेतला राखेर आफु ठेकेदार बनेर जनताको पसिनाको दुरुपयोग गरेको आरोप लगाउनुभयो ।
पछिल्लो समयमा धेरै स्कूलहरु खुलीरहेका अवस्थामा आजको आवश्यकता विद्यालय खेल्ने हैन खोलेका विद्यालयलाई व्यवस्थापन गर्ने तर्फ लाग्नुपनेै टिप्पणी गर्नुभयो । मन्त्री भण्डारीले संविधान लेखन प्रक्रिया अगाडि बढेको छैन भन्ने कुरा गलत भएको बताउदै उहाँले जेठ १४ मा संविधान बन्ने दावी गनुभयो । अवको संविधान सवैको न्यायिक हुने खालको र जनताको संविधान बन्ने जिकिर गर्नुभयो । त्यस्तै सांसद कल्पना वस्नेतले घरनै विग्रेको अवस्थामा सुधार्न धेरै समय लागे जस्तै विग्रेको शिक्षालाई सपार्न पनि समय लाग्ने बताउनुभयो ।
शिक्षा राज्यमन्त्री लिला भण्डारीको प्रमुख आतितथ्य तथा विद्यालय व्यस्थिापन समितिका अध्यक्ष अम्वरदिप देवकोटाको अध्यक्षतामा भएको कार्यक्रममा विधालयका प्रद्यानाध्यापक विश्वनाथ बरालले १ करोड ७५ लाख ९४ हजार ४ सय ७९ रुपैया वरावरको आर्थिक प्रतिवेदन प्रस्तुत गर्नुभएको थियो । कमला साइन्स क्याम्पस र विद्यालयलाई आजको स्थान सम्म ल्याइपुर्याउन सहयोग गर्ने व्यक्तिहरुलाई सम्मान समेत गरिएको थियो । बार्षिक उत्सव कार्यक्रममा जिल्ला शिक्षा अधिकारी चन्द्रप्रसाद लुइटेल प्रमुख जिल्ला अधिकारी वेणीमाधव ज्ञवाली,राजनीतिक दलका प्रतिनीधि,समाजसेवी,पत्रकार महसंघका अध्यक्ष श्यामहरि अधिकारी,विद्यालय विद्यार्थी अभिभावक पत्रकार लगाएतको उपस्थिति रहेको थियो ।
Comments