News of Sindhuli::A Completely Information Blog.

विहिवार ११, आगामी सेप्टेम्बरमा रिलिज हुने भनिएको बलिउड अभिनेता रणविकर कपूरको पछिल्लो फिल्म ‘बर्फी’ अहिले नेपाली दर्शकहरुका लागि पनि चासाको विषय बनेको छ । शिरमा ढाका टोपी ढल्काउदै पञ्चे बाजाको तालमा कम्मर मर्काउदै रणवीर कपुर यस फिल्म 'बर्फी' मा देख्न पाइनेछ ।  यसको एकमात्र कारण के हो भने यो फिल्ममा नेपाली रहनसहन देखाइएको छ । दार्जेलिङमा खिचिएको उक्त दृश्यमा रणवीर कपुरको पछाडि नेपाली नौ मती बाजा बजाइरहेका नेपाली अनुहारहरुलाई पनि देख्न सकिनेछ । कतिपयले यो फिल्म नेपालका विभिन्न स्थानमा सुटिङ भएको बताएका छन् भने कतिपयले नेपाली मूलका मानिसहरु बस्ने भारतको दार्जिलिङ लगायतका स्थानमा फिल्मको शुटिङ भएको बताएका छन् । तर फिल्म निर्माण पक्षले भने यसको बारेमा केही खुलाएको छैन । यस सिनेमामा रणवीर कपुर बोल्न तथा सुन्न नसक्ने पात्रको रुपमा देखिनेछन् ।

विहिवार ११, पछिल्लो समयमा आएर गायनमा भन्दा अभिनयमा ब्यस्त रहेका बाबु बोगटी र अनु शाहको प्रेम कथालाई सचिन आमात्यले निर्देशन गरेका छन् । आउदो असोज ५ मा आउन लागेको चलचित्र  'आई एम इन लभ' मा बाबु र अनुको लभस्टोरीलाई हेर्न पाईनेछ । सिल्भर स्क्रिन सिने आर्टस् र शुष्मा इन्टरनेश्नल पिक्चर्सको व्यानरमा विष्णु वस्नेत र शुष्मा कार्कीले निर्माण गरेको सो फिल्ममा सुगम पोखरेल, बाबु वोगटी र सञ्जय श्रेष्ठले संगीत दिएका छन् । यस फिल्ममा विपिन मल्लको सम्पादन, बिष्णु कल्पितको छायाँकन, रोशन श्रेष्ठको द्धन्द तथा कविराज र पूनम राईको नृत्य रहेको छ ।

श्रावण ७, उच्च माध्यमिक शिक्षा परिषद्ले कक्षा १२ को परीक्षा नतिजा आज आइतबार प्रकाशित गरेको हो । उत्त परीक्षाफलमा ७२‌...३१ प्रतिशत विद्यार्थी उत्तीर्ण भएका छन् । विज्ञानतर्फको परीक्षामा सामेल भएका ३० हजार दुई सय परीक्षार्थी मध्ये २१ हजार ८ सय ३८ उत्तीर्ण भएका हुन् । त्यसैगरी अंशिकतर्फ ४६‌.७९ प्रतिशत उत्तीर्ण भएका छन् । अंशिकतर्फ ५ हजार ५७४ परीक्षार्थी मध्ये २ हजार ६ सय ८ उत्तीर्ण भएको परिषद्का सदस्य सचिव भीमलाल गुरुङले जानकारी दिए । तपाइको नतिजा हेर्नको लागि यहाँ क्लिक गर्नुहोस Check Out Result.

इन्टरनेटको दुनियामा बादशाह कम्पनी जिमेल सबैको रोजाइ पहिलो पर्दछ । हामीलाई कहिलेकाहीँ महत्वपुर्ण डकुमेन्ट हेर्न पाइरहेको हुदैनौ कारण नेट कनेक्सन नहुनु, कनेन्सन बिग्रनु विभिन्न कारण हुन सक्छ । यसको विकल्प के त ? गुगलले आफ्ना युजरहरुको चाहना अनुसारका नयाँ नयाँ एप्लिकेसन ल्यउने गरेको छ । यसै अन्र्तगत पछिल्लो उदाहरणको रुपमा आएको छ । गुगल अफलाइन मेल । यस एप्लिकेसनबाट इन्टरनेट कनेक्सन नभएको वेलामा पनि आफ्नो मेल चेक गर्न सकिन्छ । अरुलाई मेल पनि पठाउन सकिन्छ, तर इमेलमा एट्याच गरेका करा भने डाउनलोड र अपलाडे भने गर्न सकिदैन् ।

श्रावन ४, माइक्रोसफ्टले कम्प्यूटर अपरेटिङ सिस्टम विण्डोज-8 लार्इ २६ अक्टोबरमा बाजारमा प्रस्तुत गर्दैछ । विश्व पर्सनल कम्प्यूटरबाट स्मार्टफोन र ट्याबलेटतर्फ आर्कषित हुँदै गएपछि उसले नयाँ अपरेटिंग सिस्टम तयार पारेको हो । माइक्रोसफ्टका प्रबन्धक ब्रान्डोन ली ब्लंकले बुधबार एक ब्लगमा माइक्रोसफ्टको विण्डोज विभागका प्रमुख स्टीवन सिनोफस्काईले विण्डोज-8 प्रस्तुत गर्ने तारीको घोषणा एक बैठकमा भएको जानकारी गराएका हुन् । २६ अक्टोबरमा विण्डोज-8 पेश गरिने छ । विण्डोज ८ को विशेषता भएको टचस्क्रिन हो । नयाँ माइक्रोसफ्ट सिस्टमको उपयोग टच र स्मार्टफोन वा ट्यावलेट पीसीसँगै डेस्कटप र ल्यापटपमा पनि गर्न सकिन्छ ।

श्रावन ४, साउन ५ गतेदेखि रिलिज हुने भनिएको फिल्म ‘ज्यान हाजिर छ’ को पोस्टर र प्रचारमा नआएपनि महानायक राजेश हमाल विशेष भूमिकामा देखिने छन् । यस सिनेमामा निर्देशक बद्री अधिकारीका अनुसार राजेश हमाल एक अभिभावकको भूमिकामा देखिदैछन् । बद्री अधिकारीको निर्माण समेत रहेको यस सिनेमामा अधिकांश नयाँ अनुहारहरुले अभिनय गरेका छन् । सामाजिक प्रेमकथात्मक यस सिनेमामा युवापुस्ताहरुमा बढिरहेको सामाजिक गैरजिम्मेवारीपनालाई देखाउन खोजिएको छ । सिनेमा सन्देशमूलक, मनोरञ्जनात्मक भएको निर्माण पक्षको दावी छ ।

श्रावण ४, बुधबार राती सम्पन्न एसियन पेन्टस खोजी प्रतिभाको फाईनल कार्यक्रममा उपस्थित भएका महानायक राजेश हमालले आफू अभिनित फिल्म मायाज बारको दिल खोलेर प्रोमोशन गरे । बिशेषत फिल्मकै प्रोमोशनका लागि पुगेका हमालले आफ्नो भुमिका र निर्देशक दिनेश डिसीको प्रशंशा गर्न भुलेनन् । उनले आफूलाई मायाज बारमा बिशेष भुमिकामा प्रस्तुत गराएकोमा निर्देशक डिसी प्रति आभार प्रकट पनि गरे ।  बिशेषगरी त उनी कार्यक्रममा दर्शकसँग मज्जाले नाचे । खोजी प्रतिभाको कार्यक्रममा तेर्‍हथुमका बिक्रम लिम्बु बिजयी घोषित भए लग्गतै खुसी मनाईरहेका उनका आफन्त तथा साथीभाईको बिचमा पुगेर हमाल बिजयी लिम्बुले गाएको गीतमा लाज नमानी नाचे

साउन १  नेपाल टेलिकमका लोकल आधारभूत (ल्यान्डलाइन) टेलिफोन र सिडिएमए फिक्स सेवा लिएका ग्राहकले पनि एसटिडी कल गर्न पाउने भएका छन् । टेलिकमले साउन १ देखि लागु हुने गरि लोकल सेवा लिएकाले एसटिडी गर्न पाउने सुविधा दिन लागेको हो । 'एक अंचलबाट अर्को अंचलको मोवाइलमा फोन गर्न ल्याण्डलाईन र सिडिएमए फिक्स फोनमा एसटिडी सेवा लिनु पर्ने थियो,' कम्पनीका प्रवक्ता सुरेन्द्र प्रसाद थिकेले भने, 'साउनदेखि लोकल सेवा लिएकाले समेत देशभर फोन गर्न सक्नेछन ।'

पाल्पा,असाढ २४ ।  बौघागुम्हा–३ छेर्लुङ्की राधिका भट्टराईले शनिबार ८ मिनेट भित्रमा एकैपटक ४ वटा वब्चाको जन्म दिएकी छन् । उनले पाल्पाको मिशन अस्पतालमा दुई छोरा र दुई छोरी जन्माएकी हुन् । चिकित्सकका अनुसार सामान्य अवस्थामा (विना अपरेसन) बच्चाहरु जन्मेका हुन् । चारवटै बच्चा र आमाको अवस्था सामान्य रहेको छ । राधिकाका पति कृष्ण प्रसाद भट्टराई रोजगारीको शिलशिलामा कुबेतमा रकेका छन्  । आर्थिक अवस्था कमजोर र  १२ वर्षीय एक छोरा समेत रहेको बताउने राधिकाले एकलाई पढाउन त गा¥हो भैरहेको अवस्थामा चम्ल्यालाई कसरी हुर्काउने भन्दै चिन्ता व्यक्त गरेकी छन् । उनी छोरालाई पढाउने शिलशिलामा पाल्पा, तानसेनमा बस्दै आएकी थिईन । पहिले जन्मेका छोराछोरीको तौल १ किलो रहेको छ भने बाँकी दुईको ५ सय ६० ग्राम र ९ सय ५० ग्राम रहेको छ ।

सिन्धुली,असार २२ सिन्धुलीका  श्रमिक बालबालिकाले खेलकुदका सामाग्री पाएका छन् । फुर्सदको समयमा बालबालिकाले खेल खेल्नपाउन भन्नका लागि भलिवल, फुटबल, डोरी, लुडोलगायतका सामाग्री वितरण गरिएको हो । खेलको माध्ययमबाट बालबालिकाको बौद्धिक विकासमा सहयोग पुग्ने भएकाले खेलकुदकै सामग्री  वितरण गरिएको  प्लान नेपाल सिन्धुलीका विकास संयोजक भरत तामाङले बताउनुभयो । कार्यक्रममा श्रमिक बालक रत्न वहादुर बस्नेतको अध्यक्षतामा २० सदस्यको श्रमिक बाल पनि क्लव गठन गरिएको छ ।