विहिवार ११, आगामी सेप्टेम्बरमा रिलिज हुने भनिएको बलिउड अभिनेता रणविकर कपूरको पछिल्लो फिल्म ‘बर्फी’ अहिले नेपाली दर्शकहरुका लागि पनि चासाको विषय बनेको छ । शिरमा ढाका टोपी ढल्काउदै पञ्चे बाजाको तालमा कम्मर मर्काउदै रणवीर कपुर यस फिल्म 'बर्फी' मा देख्न पाइनेछ । यसको एकमात्र कारण के हो भने यो फिल्ममा नेपाली रहनसहन देखाइएको छ । दार्जेलिङमा खिचिएको उक्त दृश्यमा रणवीर कपुरको पछाडि नेपाली नौ मती बाजा बजाइरहेका नेपाली अनुहारहरुलाई पनि देख्न सकिनेछ । कतिपयले यो फिल्म नेपालका विभिन्न स्थानमा सुटिङ भएको बताएका छन् भने कतिपयले नेपाली मूलका मानिसहरु बस्ने भारतको दार्जिलिङ लगायतका स्थानमा फिल्मको शुटिङ भएको बताएका छन् । तर फिल्म निर्माण पक्षले भने यसको बारेमा केही खुलाएको छैन । यस सिनेमामा रणवीर कपुर बोल्न तथा सुन्न नसक्ने पात्रको रुपमा देखिनेछन् ।
News of Sindhuli को लागी हजुर संग कुनै पनि सल्लाह सुझाब प्रतिक्रिया तथा लेख भएमा हामीलाई newsofsindhuli@gmail.com (+977-9844041874) मा पठाउन सक्नु हुनेछ ।