News of Sindhuli::A Completely Information Blog.

पुष १६ एकीकृत नेकपा माओवादीका सचिव सीपी गजुरेल अहिले मातृशोक परेको छ । गजुरेलकी आमा ८६ वर्षीया टेककुमारीको उपचारका क्रममा गएराति राजधानीको बानेश्वरस्थित सिभिल अस्पतालमा निधन भएको हो । दम तथा मुटुको रोगबाट ग्रसित टेककुमारीलाई तीन दिनअघि उपचारका लागि अस्पताल भर्ना गरिएको थियो । सिन्धुली जिल्ला स्थायी घर भएकी टेककुमारीका कान्छा छोरा मेघनाथ गजुरेलसँग बानेश्वरमा बस्दै आउनुभएको थियो । यसैबीच टेककुमारीको शनिबार बिहानै पशुपतिस्थित आर्यघाटमा अन्त्येष्टि गरिएको छ । टेककुमारीप्रति अन्तिम श्रद्धाञ्जली दिन माओवादी अध्यक्ष प्रचण्ड, उपाध्यक्ष एवं प्रधानमन्त्री डा. बाबुराम भट्टराईलगायतका नेता आर्यघाट पुगेका थिए ।

पुष १५ सिन्धुली जिल्लाको पश्चिममा अवस्थित महेन्द्रझ्याँडी गाविस-४, हाक्पारामा आउँदो माघ १४ देखि १८ गतेसम्म पाँच दिने स्थानीय व्यापार प्रवर्धन मेला हुने  भएको छ । स्थानीयबासीको पहलमा बि.सं. २०६१ साल वैशाखदेखि प्रत्येक शनिबार उक्त ठाउँमा लाग्दै आएको हाट बजारलाई विकास तथा व्यबस्थापन गर्ने मूख्य उद्देश्यले मेलाको आयोजना गर्न लागिएको हो । मेलालाई सफल बनाउन स्थानीय जनकल्याण सामुदायिक संस्थाका अध्यक्ष तथा डेन्साङ प्राथामिक विध्यालयका प्रधानाध्यापक निर बहादुर मोक्तानको संयोजकत्वमा बन्दिपुर, बिकास, ज्योती र जनकल्याण सामुदायिक संस्थाका सबै सदस्यहरु रहेको १ सय ५१ सदस्यीय मेला मूल आयोजक समिति गठन गरिएको छ । त्यसैगरी गाविस तथा जिल्लाका प्रतिष्ठित व्यक्तिहरुलाई समेटेर मेला सल्लाहकार समिति तथा विभिन्न उपसमितिहरु बनाई कार्य अगाडि बढाईएको मेला मूल आयोजक समितिका संयोजक मोक्तानले जानकारी दिनुभएको छ ।

पुष १४ व्यस्त ठमेल चोकैको मेट्रो काठमान्डु रेस्टुरेस्ट उक्लिँदै गर्दा जिन्स पाइन्ट र कालो पृष्ठभूमिमा रातो धर्के टिसर्ट लाएका एक हुल नेवार सुन्दरीले एकसाथ लयात्मक स्वर निकाले- 'ज्वज्वलपा ।' काठको सिँडीदार भर्‍याङ उक्लेर रेस्टुरेन्ट भित्री हल पुग्दा केही सुन्दरीहरू पि्र-जजका लागि भिडिरहेका देखिए । मिस नेवाः-२०११ को अन्तिम प्रतिस्पर्धामा उत्रिरहेका उनीहरूलाई आफ्नो मौलिक कला, संस्कृति र खानपानबारे प्रश्न गर्दै थिए- गायक निर्णय श्रेष्ठ, भाइराजा तुलाधर, राजभाइ सुवाल, सर्जुबाबा श्रेष्ठ, आरके मानन्धर, आकाशा बज्राचार्य लगायतका निर्णायक टोली । 'मलाई जे आउँछ त्यही भनिदिएँ,' हलभित्रबाट निस्कन साथ १७ वर्षीया सेविका महर्जनले हतारहतार साथीहरूलाई पि्र-जज राउन्ड फेस गर्दाको अनुभव सुनाइन्, 'किन नर्भस हुनु बेकारमा ?'

पुष १४ अंग्रेजीमा स्नातककोत्तर गरेका नेपाली सिनेमा क्षेत्रकै चर्चित नायक राजेश हमाल अब पत्रकार बन्ने भएका छन् । उनी, कुनै चलचित्रमा पत्रकारको भुमिकामा देखिन लागेको नभई वास्तवमै पत्रकार नै बन्न लागेका हुन् । उनलाई एक दैनिक राष्ट्रिय पत्रिकाले यो प्रस्ताव गरेको हो । यसमा हमालले स्वीकृती पनि जनाईसकेका छन् । नायक हमालले अब समाचार पत्रिकामा पढ्ने मात्र छैनन् । यसको सम्पादन समेत गरेर कुन छाप्ने र कुन नछाप्ने भनि छुट्टाउने समेत अधिकार पाएका छन् । यसका लागि हमाललाई कान्तिपुर पव्लिकेशनले अंग्रेजी राष्ट्रिय दैनिक द काठमाण्डु पोष्टमा सम्पादकको जिम्मेवारी दिने भएको हो ।  काठमाण्डु पोष्टले शुरुवात गर्न लागेको सेलिब्रेटी सम्पादक अन्तर्गत हमाल फेब्रुअरी महिनाका लागि यो पत्रिकाको सम्पादक बन्नेछन् ।

पुस १२  नेपाली सामाजिक वेबसाइट 'संगालो डट कम' मोबाइल भर्सनमा पनि हेर्न सकिने भएको छ । प्रिन्स्टन मिडियाले सोमबार वेबसाइटको मोबाइल भर्सन सार्वजनिक गर्‍यो । संगालोको मोबाई भर्सन आइफोन, एन्ड्रोइड लगायत जुनसुकै फोनहरुमा पनि प्रयोग गर्न सकिने प्रमुख कार्यकारी निर्देशक सुलोचना कर्माचार्यले बताइन् । उनका अनुसार मोबाइलको बढ्दो प्रयोग र उपयोगितासागै प्रयोगकर्ताहरुको आवश्यकताहरुलाई ध्यानमा राखेर मोबाईल भर्सन सार्वजनिक गरिएको जानकारी दिइन् । मोबाईल भर्सनमा पनि प्रयोगकर्ताले आफ्नो स्टाटस परिवर्तन गर्न, फोटो अपलोड गर्न तथा हेर्न, व्यक्तिगत इमेल हेर्न/पठाउन, समूह बनाउन, प्रतिक्रयाहरु हेर्ने लगायतसुविधाहरु प्र्रयोग गर्न सक्नेछन् ।

पुष ११,  सन् २०११ मा अहिलेसम्म बलिउड फिल्म इन्डस्ट्रीमा १ सय ७ वटा फिल्म रिलिज भए । तर रिलिज भएका मध्ये कमैले मात्र नाफा कमाउन सके भने धेरै फ्लप भए । सन् २०११ मा कमाइका दृष्टिले हिट बनेका उत्कृष्ट दश बलिउड फिल्म निम्न रहे : १.बडिगार्ड : अगष्ट मा रिलिज भएको सलमान खान अभिनित फिल्म बडिगार्डले यो वर्ष बलिउड बक्स अफिसमा सर्वाधिक कमाउने फिल्मको रुपमा रह्यो । यो फिल्मले १ अर्व ४८ करोड भारु व्यापार गरेको बताइन्छ । फिल्ममा सलमान खानका अतिरिक्त करीना कपूर, राज बब्बर तथा हेजल कीचको मुख्य अभिनय रहेको छ ।

पुस ११,  उच्च माध्यमिक शिक्षा परिषद्ले भारतमा सञ्चालित तीन महिने कोर्सलाई प्लस टुसरह मान्यता दिने विवादास्पद निर्णय गरेको छ । परिषद्ले नयाँदिल्लीस्थित 'राष्ट्रिय मुक्त विद्यालयीय शिक्षा संस्थान' (एनआईओसी) सँगको समकक्षता गत साउन २० गते स्थगन गरेकामा भारतीय दूतावास र शिक्षा मन्त्रालयका केहीको दबाबमा फुकुवा गरेको हो । फुकुवापछि एनआईओसीबाट ३ महिना, ६ महिना वा एक वर्ष मात्र पढेकाहरूले पनि परिषद्बाट १२ कक्षा उत्तीर्ण गरेसरह मान्यता पाउने भएका छन् । स्रोतका अनुसार समकक्षता फुकुवा गर्न भारतीय दूतावासले दबाब दिएको थियो । दूतावासले परराष्ट्रमार्फत शिक्षा मन्त्रालयलाई पत्र पठाउँदै भनेको थियो, '२०६१ देखि पाउँदै आएको समकक्षता स्थगनले उक्त संस्थामा अध्ययनरत हजारौं विद्यार्थीलाई मर्का पर्ने भएकाले यसप्रति गम्भीर ध्यानाकर्षण भएको छ ।' 

पुष १०, सिन्धुली  नेपाली कांग्रेसका केन्द्रिय सभापति शुसिल कोईरालाले सबै दलहरुले मेलमिलाप र हातेमालो गरी सहमतिमा अघि बढ्नु अहिलेको आवश्यकता रहेको वताएका छन् । नेपाल शिक्षक संघको मध्यमान्चल क्षेत्रिय भेलाको शनिवार सिन्धुलीमा उद्घाटन गर्दै कोइरालाले यस्तो वताएका हुन् । भेलालाई सम्वोधन गर्दै सभापति कोइरालाले इमान्दारिता वोलिमा मात्र हैन व्यवहारमा पनि हुनुपर्ने वताएका छन् । आफ्नो पार्टी निरास नहुने बताउँदै जसले गल्ति गर्छ उहि निरास हुने जिकिर समेत गरे । नेकपा माओबादीको आफ्नै नेतृत्वको सरकार हुँदा पनि उनिहरु किन हतियार बुझाउँदैनन् उनले प्रश्न गरे । 

पुष ७, हालै मात्र हप्ताको ६९ घण्टा र दैनिक दश घण्टा लोडसेडिङको मार खेप्दै आएका जनताले आगामी माघ देखि बिजुलीको महसुल पनि बढी तिर्नु पर्ने भएको छ । सिंहदरवारमा बुधबार भएको छलफलमा प्रधानमन्त्री बाबुराम भट्टराईको सहमति कार्यान्वयन भए आगामी महिनादेखि बिजुली महसुल अहिलेभन्दा २० प्रतिशत बढी तिर्नुपर्ने छ । आगामी महिना माघ १ गतेदेखि बिजुलीको महसुल २० प्रतिशत वृद्धि गर्न सैद्धान्तिक सहमति दिनुभएको हो । प्रधानमन्त्रीले सहमतिपछि माघ १ गतेदेखि विद्युत् महसुल २० प्रतिशत बढ्ने विद्युत् महसुल निर्धारण आयोगका अध्यक्ष गणेशप्रसाद सुब्बाले जानकारी दिनुभयो ।

पुष ५  नेपाल विद्युत् प्रधिकरणले आजदेखि दिनको १० घण्टा लोडसेडिङ तालिका सार्वजानिक गरेको छ । नेपाल विद्युत प्राधिकरण केन्द्रका अनुसार सातामा ४ दिन दैनिक ११ घण्टा, २ दिन १० घण्टा र १ दिन नौ घण्टाका दरले लोडसेडिङ हुनेछ । प्राधिकरणले सोमबार जारी गरेको सूचना अनुसार ४० देखि ५० प्रतिशत चुहावट भइरहेको फिडरमा थप २ र ५० प्रतिशत भन्दा बढी चुहावट भएको क्षेत्रमा थप ३ घन्टा लोडसेडिङ हुने छ ।

पुष ४, सिन्धुली  सुन्दा अचम्म लाग्न सक्छ, लागू पदार्थ छाडेर कसैले त्यस वापतको रकम मानवीय हितमा वितरण गरेको भन्दा। तर सिन्धुलीको पुष्पदिप अफसेट प्रेसका पुष्पराज देबकोटा र दिपेन्द्र बिक्रम कार्कीले आफूले सेवन गर्ने गरेको सुर्तिजन्य पदार्थ छाडेर त्यस बापतको रकम अनाथालयका बालबालिकाहरुलाई बितरण गरेका छन् । उनिहरुले मासिक ५०० रुपैँयाका दरले अनाथालयलाई सहयोग गर्ने वचन समेत दिएका छन् । शैलशिखर कृषक उत्थान संस्थाद्धारा संचालित शैलशिखर अनाथालयमा आश्रित बालबालिकाहरुलाई सहयोग गर्ने क्रममा उनिहरुले यस्तो रकम सहयोग गरेका हुन् । त्यसो त शैलशिखर अनाथालयमा सहयोग गर्ने क्रम सुरु भइसकेको छ । साथै उनिहरुले अनाथालयलाई सहयोग गर्न पनि सबैलाई अनुरोध समेत गरेका छन् । केहि दिन अघि स्थानीय पत्रपत्रिका तथा संचारमाध्यमहरुमा ‘अनाथालयमा बालबालिकाको बिजोग’ शिर्षकमा समाचार, सुचना तथा कार्यक्रम प्रकाशन तथा प्रसारण सुरु भएपछि अनाथालयमा सहयोग गर्ने क्रम बढेको हो । 

पुस ४, काठमाडौं अखिल नेपाल फुटबल संघ (एन्फा) मा आबद्ध जिल्ला संघको संख्या ४२ पुगेको छ। आइतबार सम्पन्न एन्फाको १२औं साधारण सभाले सिन्धुली र संखुवासभालाई जिल्ला संघको मान्यता प्रदान दिएको छ। कोषाध्यक्ष विराटजंग शाहीले बन्द सत्रमा पेश गरेको आर्थिक वर्ष २०६८/०७९ को १८ करोड १० लाख १९ हजार रुपैयाँको अनुमानित बजेट सभाले पास गरेको छ। फागुनमा काठमाडौंमा एएफसी च्यालेन्ज कप आयोजनाका कारण यसपटक अघिल्ला वर्षभन्दा दोब्बर बजेट आएको हो। चालु आर्थिक वर्षमा झन्डै ४ करोड एन्फाले बचत गरेको छ। १३ करोडभन्दा बढी आम्दानी गरेको एन्फाले ९ करोडभन्दा बढी खर्च गरेको छ। अध्यक्ष गणेश थापाले एन्फाको वार्षिक प्रतिवेदन पेश गरेका थिए। एन्फा केन्द्रीय कार्यसमितिले २०६९ का लागि प्रस्ताव गरेको ३१ वटा कार्यक्रम साधारण सभामा सर्वसम्मत पास भएको छ।

४ पुस, काठमाडौं ।  मंगलवारदेखि हप्तामा ६९ घण्टा लोडसेडिङ्ग हुने भएको छ । हाल सातामा ४० घण्टा लोडसेडिङ्ग हुँदै आएकोमा मंगलवारदेखि ६९ घण्टा हुने नेपाल विद्युत प्राधिकरणले जनाएको छ । नयाँ तालिका अनुसार हप्तामा दैनिक २ पटकका दरले ४ दिन ११ घण्टा, एक दिन १० घण्टा र एक दिन ९ घण्टा विद्युत आउने छैन भने एक दिन भने एकै पटक ६ घण्टा लोडसेडिङ्ग हुने छ । नदीहरुमा पानीको बहाव पनि घशेकाले विद्युत् उत्पादन कम भएको र माग भने बढेकाले लोडसेडिङ्गको समय बढाउनु परेको प्राधिकरण भार प्रशण केन्द्रका प्रमुख चिरन्जिवी शर्माले जानकारी दिनुभयो ।

Class XI Regular and Partial Result has been published check your result click here

मंसिर २८, बुधवार गोर्खा पल्टन, किन मायामा, अंगालो यो मायाको लगायतका चलचित्रमा अभिनय गरिसकेका गायक प्रशान्त तामाङ मदन घिमिरेले निर्देशन गर्ने चलचित्र 'धडकन भित्र' मा अभिनय गर्ने भएका छन् । जो आफ्नो मान्छे हुन्छ त्यो सधैं धडकन भित्र नै रहेको हुन्छ भन्ने मूल भावलाई लिएर निर्माण गर्न लागिएको चलचित्र 'धडकन भित्र' मा मुख्य पात्रको रूपमा प्रशान्तलाई अनुबन्धित गरिएको निर्देशक घिमिरेले फिल्मीखबरलाई जानकारी दिए । २१ औं प्रोजेक्ट रहने चलचित्र 'धडकन भित्र' मा गायकले भोग्नु परेका दु:खकष्ट, पिडा, संघर्ष अनि सुखका अनुभुतीलाई प्रस्तुत गर्ने निर्देशक घिमिरेको भनाई छ । 

मसिर १८, सिन्धुली  सिन्धुलीमा प्रधानमन्त्री डा वावुराम भट्टराईको पुत्ला दहन गरिएको छ । सिन्धुली वहुमुखी क्याम्पस, सिद्धज्योती शिक्षा क्याम्पस र गौमती वहुमुखी क्याम्पस अन्र्तगतका अनेरास्वियू क्याम्पस कमिटिले आज पुत्ला दहन गरेको हो । वावुराम भटटराईको कार्यकालमा ईतिहासकै ठुलो भ्रष्ट मन्त्रीमण्डल निर्माण गरिएको एवं युवा स्वरोजगार कोषको सम्पुर्ण रकम वाईसिएललाई वाडेको भन्दै पुत्ला दहन गरेको सिन्धुली वहुमुखी क्याम्पसका कमिटि अध्यक्ष खुसराज पौडेलले वताउनुभयो ।